قصيدة ابن فطيس المري عن حليمة

ياللي تقول ان الحلا في حليمه
يالله عسى ربي من الشوف يعميك...

عمرك سمعت ان الحلا في بهيمه
بهيمه في شكلها الشوف مغويك...

وين الحلا فيها ووين الحشيمه
الله بلاها بالخساسه وباليك...

قولت حلا فيها ظليمه
الزين له ناسه عسى الله يهديك...

الزين في بنت الرجال الكريمه
اللي على حق الشرف ما تخليك...

اللي تسمى بالشهامه شهيمه
من دون مكايج بها الزين يكفيك...

بناتنا يا جعلهن للغنيمه
احلى بنات الكون والحق يرضيك...

تحمل لهن بقلوبنا كل قيمه
حنا ذراهن يوم خاب الرجاء فيك...

في عزهن يالله طلبتك تديمه
واستر شرفهن دام كل شيء بيديك...

وانا نويت اللي رضخ للهزيمه
اسمع كلامي زين من قبل لا انهيك...

ماظنتي عقلك وعينك سليمه
تحتاج منهو في كلامي يربيك...

سقيم لا قالو مدح له سقيمه
حتى كلامك صار مثلك يوطيك...

لحظه نبي نرجع عصور قديمه
بقول لك شي يهزك ويبكيك...

شي يهز أهل العقول الفهيمه
ما كل شيء بالمسمى يسميك...

تدري من اللي تستحق الحليمه
ام الرسول اطهر حليمه وتكفيك...

العين تبكي من كلامك وضيمه
لكن عسى ربي بفعلك يجازيك